CAGAYAN DE ORO CITY – Giila ni MICT port collector John Simon ang daku ang tabang sa kompanyang Philippine Sinter Corportion sa paggamit sa “fully mechanized processing” sa mga basura pasulod sa mga container vans.
Gibutyag ni Simon nga bisan nagkulang sa tawo ang kontrobersyal nga planta, daw grasya sa Ginoo nga mitabang ang mga trabahante sa Philippine Sinter aron mapadali ang re-packing sa mga basura sulod sa mga dagkung sako nga iya sa provincial government sa Misamis Oriental.
Una niini, mismo si Verde Soko Philippines President Neil Alburo ang mi-apelar sa Sangguniang Panglalawigan nga tabangan sila sa pagpangita sa tawo, mga sako ug containers tungod kay wala na silay pundo alang sa repacking ug re-exportation sa basura.
