Ipatawag sa quadropole committee hearing ang mga kanhi ug kasamtangang administrador nga nagdumala sa Phividec nga nakabase sa lungsod sa Tagoloan,Misamis Oriental.
Kini aron makuhaan sa ilang mga testimonya kabahin sa mga kalihukan sa balor P800 million investment isip locator sa kompanyang Shangjia Steel Corporation nga iya ni Yang Jian Xin alyas Tony Yang.
Miingon si Quadcom member Cong. Dan Fernandez nga apil sa ilang ipatawag si Atty Franklin Quijano kinsa maoy nakapirma sa memorandum of understanding kuyog ni Yang.
Ipatubag usab nila kon unsay dugang nahibaw-an ni kanhi Phividec administrator Pompee La Viña ug incumbent Phividec administrator Atty. Joseph Bernedo nga bayaw ni Pres Bongbong Marcos.
Si Yang unang gidakop sa Bureau of Immigration igo pag-abot sa NAIA gikan Laguindingan Airport tungod sa pagsilbing ‘undesirable alien.’
