CAGAYAN DE ORO CITY – Wala kahadluki ni Phividec administrator Jose Gabriel ‘Pompee’ La Viña kon mabutang pa sa peligro ang iyang kinabuhi sa pagpahunong sa quarry operations diha sa Sitio Bontong,Sta Ana,Tagoloan,Misamis Oriental.
Kini bisan kon gikasuko sa pipila ang hukom niini nga patak-upan ang kuwarehan nila ni Carlos Porras,Salvador Fernandez,Chique Cosin,Nicomedes Achas ug Manuel Sukarno Alvarez kay walay permit sa Phividec nga mag-operate sa ilang mga negosyo.
Miingon si La Viña nga dili niya igsapayan nga mamiligro ang iyang kinabuhi,kapanalipdan lamang ang interes sa Phividec ug mga tawo nga nanimuyo duol sa suba nga naglihok ang quarry sites.
Una nang giangkon ni Atty Princess Ayoma nga may permits ang maong operators gikan sa DENR-10;provincial ug municipal govt offices apan walay bisan usab usab kanila ang mikuha’g pagtugot mismo sa ilang opisina.
Sa pagkutlo ning balita,wala una mohatag komento ang maong mga operator samtang nakaabot na kini sa atensyon sa sangguniang panlalawigan sa Misamis Oriental ug may pipila ka board members an ang mipabati’g reaksyon niini.
