CAGAYAN DE ORO CITY – Naghulat na lang sa pormal nga imbitasyon ang kasamtangan ug kanhi mga administrador sa Phividec gikan sa quadcom committee kabahin sa isyu sa illegal POGO operations sa nasud.
Kini human nadiskobre sa mga magbabalaod nga giingong ka-transaksyon ni dismissed Bamban Mayor Alice Guo ang tag-iya sa Philippine Sanjia Steel Corporation nga si Tony Yang kinsa operator usab sa nagsira nga POGO sulod sa Alwana Compound,Brgy Cugman sa syudad.
Miingon si kanhi Phividec administrator Jose Gabriel ‘Pompee’ La Viña nga andam kining mosaysay sa iyang gamay’ng nasayran kabahin sa maong kompanya nga ubos sa sobra tuig niya nga pagdumala sa ahensya.
Apan wala pa man kini maka-testigo sa quadcom hearing,iya nang giklaro nga walay naglihok nga POGO facilities sulod sa Phividec tungod sa hinay nga koneksyon sa internet.
Hisayrang gawas kang La Viña, importante usab ang pagtunga ni incument Phividec administrator Atty. Joseph Berdeno nga bayan ni Pres Bongbong Marcos ug former administrator Atty Franklin Quijano diin natigayon ang transaksyon tali sa kompanya ni Yang sa tuig 2018.
