CAGAYAN DE ORO CITY-Nagisa pag-ayo ang kadagkuan sa Bureau of Customs o BoC ug Phividec Industrial Estate sa imbestigasyon sa mga basura sa Verde Soko Philippines Industrial Incorporated diha sa Marco Hotel,Brgy Cugman sa syudad.
Kini human nasuta ang pagpasagad sa duha ka ahensiya rason nakalusot ang kapig 5-mil ka toneladang basura gikan sa South Korea padulong sa Sitio Bugwak,Brgy Sta Cruz,Tagoloan ning lalawigan.
Miingon si Misamis Occidendal 2nd District Rep Henry Oaminal,chairman sa committee on good govt and public accountability nga ila pang kumpletuhon ang proseso sa imbistigasyon ayha mohatag rekomendasyon kabahin sa mga basura nga gilabay sa Misamis Oriental.
Nasayran nga sa ikaduhang pagdungog,subli wala motunga ang kadagkuan sa Verde Soko nga tinubdan sa dakong kontrobersya sa maong mga basura sa lalawigan.
