CAGAYAN DE ORO CITY – Gitun-an na karon sa legal department sa Phividec kon unsa nga kaso ang ilang ipasaka batok sa lima ka dagkong quarry operators nga naglihok sulod sa ilang gidumala nga yuta diha sa lungsod sa Tagoloan,Misamis Oriental.
Kini human gimando ni Phividec administrator Jose Gabriel “Pompee” La Viña nga pagpaghunong sa quarry operators nga sila si Manuel Sukarno Alvarez,Nicomedes Achas,Chique Cosin,Salvador Fernandez ug Carlos Porras kay walay permit nga nahuptan gikan mismo sa ilang opisina.
Apan giklaro ni Atty Princess Ayoma nga may nakuhang permits ang maong operators gikan sa provincial govt,municipal govt ug DENR-10 apan gi-bypass nila ang Phividec.
Una niini,namugos si La Viña nga dili na angay makapadayon ang maong operators kay 70 ektarya sa ilang luna sa yuta ang nawala hinungdang gipalugwa niya ang cease and desist order nunot sa maong kalihukan epektibo sa adlaw’ng Lunes.
Dugtong usab niini,bukas anng mga linya sa Bombo Radyo alang sa maong quarry operators nga makapadayag sa ilang panig.
