CAGAYAN DE ORO CITY – Magsilbing acting administrator si Arlan Paul Reyes diha sa Phividec sa lungsod sa Tagoloan,Misamis Oriental.
Kini ang gikompirmar ni Phividec administrator Jose Gabriel ‘Pompee’ La Viña kinsa gitakdang mo-resign sa katungdanan tungod sa pagdagan pagka-mayor sa piliay ning syudad sunod tuig.
Gibutyag ni Reyes nga usa ka beterano nga klase nga govt official ug dunay impresibong scholastic record si Reyes nga mohulip kaniya.
Gihimo ni La Viña ang pagpahibalo nunot sa iyang pagpanamilit na sa mga kauban niini sa trabaho kaganihang buntag.
Si La Viña ang halos mag-trese ka bulan nga nangulo sa Phividec diin nakapatuman sa ubay-ubay’ng kabag-uhan ug magbilin sa legasiya nga napasulod ang dakong kompanya sa puthaw gikan sa China nga mamuhunan sa Pilipinas.
Si La Viña ang kanhi midagan sa pagka-mayor bisan nga medyo dehado sa three-termer nga si incumbent City Mayor Oscar Moreno sa 2019 elections sa syudad.
