CAGAYAN DE ORO CITY-Gipahimangnuan sa Phivolcs-10 ang mga residente nga magbinantayon sa laing linog nga posibleng moigo sa tibook Northern Mindanao.
Si Phivolcs regional director Marcial Labininay miingon nga kinahanglan nga molambigit na ang publiko sa mga earthquake drill aron mahimong andam kun ugaling tay-ugon sa linog.
Nagtoo si Labininay nga daghan pang mga linog ang moigo sa rehiyon ilabina sa probinsya sa Bukidnon.
Kahinumduman nga gitay-og sa 5.1 magnitude nga linog ang Wao, Lanao del Sur ug 4.5 magnitude nga linog ang Kalilangan, Bukidnon kaganinang kadlawon.
