PARIS – Mo-uli sa Pilipinas nga sul-ob sa liog ni Nesthy Petecio ang medalyang bronse sa Paris Olympics didto sa Pransya. Kini human pildiha ni Nesthy pinaagi sa unanimous decision ang kaatbang niini sa quarterfinals nga si Chinese boxer Xu Zichun sa 50 kilograms women’s division kagabii.
Tungod niini,buhi pa ang paglaum sa Pilipinas kay moaway pa si Neshty sa semi-finals ug ko molampos ug modaug sa finals dako’g tsansa nga magbaton sa medalyang bulawan sa unang higayon.
Hinoon,wala pa masayri kon kinsa ang sunod nga ikasangka ni Petecio sa semifinal round.
Una usab niini,abante na sa semi-finals si Aira Villegas kay gipildi niya si Wassila Lkhadiri sa miaging quarterfinal bouts sa duruha.
Hisayrang sila Petecio ug Villegas na lang ang nabilin sa boxing team sa Pilipinas nga mopadayon sa tinguha pagsakmit sa gold medal kay napildi sa tagsa-tagsa ka mga away sila Eumir Marcial;Hergie Bacyadan ug Carlo Paalam sa miaging semana.
Si Aira makigtigi sa Turkish boxer nga si Cakiroglu Buse Naz sa Agosto 7.
