CAGAYAN DE ORO CITY-Emosyonal ang pamilyang Lariba sa kamatayon ni Olympian table tennis player Ian ‘Yan-Yan’ Lariba sa sakit nga leukemia sa St Luke’s Global City sa kauluhan.
Kini human wala na maantos ni Ian ang komplikasyon sa iyang balatian epekto sa inspeksyon.
Miingon ang inahan ni Ian nga si Gng Mel Lariba nga paspas kaayo ang hitabo dihang subli nadala ug gipaubos sa operasyon ang ulo sa anak niini.
Dugang ni Lariba nga sa wala pa masulod balik si Lariba sa ospital,may mga ilhanan na nga dili magdugay ang Pinay Olympian tungod sa iyang sakit.Kini tungod kay nagpasalamat kini sa kahitas-an sa grasya sa kinabuhi.
Gipasalamatan usab ni Ian ang pag-atiman sa iyang inahan sa kapi’g usa ka tuig nila nga pagsulod-balik sa ospital tungod sa iyang sakit.
Gani,gipangayo usab ni Ian sa Ginoo nga dili pasagda ang iyang ginikanan ug igsoong babaye kon hingpit na siya nga mawala.
Ang Cagay-anon nga si Lariba ang produkto sa Palarong Pambansa ug milampo ang career pag-abot sa De La Salle University diin siya giila sa daghang higayon sa UAAP seasons.
Philippine flag carrier usab si Ian dihang milambigit ang Pilipinas sa 2016 Rio de Janiero Olympics sa Brazil.
Si Ian ang unang nadiskobre nga nagbaton sa sakit nga kanser dihang kamulo’g training alang unta sa championship match sa Germany niadtong Mayo 2017.
