CAGAYAN DE ORO CITY – Gikompirmar sa liderato sa 4th ID,Philippine Army nga napatay nila ang dakong opisyal sa rebeldeng New People’s Army nga naglihok sa Pilipinas partikular sa Mindanao mismong ning adlawa.
Subay sa gilugwa nga pahayag ni 4th ID commander Maj Gen Romeo Brawner Jr nga maoy ilang napatay si Jorge/George Madlos alyas Ka Oris kinsa nagsilbi usab nga tigpamaba sa National Democratic Front -Mindanao.
Miingon si Brawner nga napatay sa tropa ni 403rd IB,Philippine Army commander Brig Gen Ferdinand Barandon samtang natigayon ang engkuwentro sa Sitio Gabunan,Barangay Dumalaguing,Impasug-ong,Bukidnon kaganihang adlawan.
Gibutyag sa opisyal nga gitakdang mohatag sila sa dugang impormasyon niini kabahin sa gidangatan ni Ka Oris ugmang adlawa.
Inisyal nga namahayag ang 4th ID nga ila nang natapos ang liderato ni Madlos nga dugay naglihok sa Mindanao.
Si Ka Oris ang makapila usab nga nahitabo kaniadto sa Bombo Radyo CdeO ug may mga panahon nga ika-debate pa niini ang mga nangagi nga mga tigpamaba sa 4th ID diin nakabase ang ilang headquarters dinhi sa Cagayan de Oro.
