CAGAYAN DE ORO CITY – Duawon ni 2015 Ms Universe Pia Alonzo Wurtzbach ang iyang kabanay nga nakabase sa Iligan City,Lanao del Norte.
Kini kon makakita siya’g taas nga bakante sa iyang schedules isip artista ug modelo sa kauluhan.
Gihimo ni Pia ang kumpirmasyon igo sa paghuman siyang promosyon sa programang turismo ning syudad sa miaging semana.
Miingon si Wurtzbach nga gusto usab na niya ikahimamat ang iyang mga kabanay ilabina nga gamay pa kining naka-bisita sa Iligan City.
Partikular nga duawon ni Pia ang iyang iyaan nga si Olivia Alonzo Pendang kinsa ilado usab sa ilang negosyo nga ‘icedrops’ sa Iligan City.
Nasayran nga gikan sa ilang pagpuyo sa Iligan City,gilayon na sila nanimuyo dinhi sa syudad sa taas nga panahon ayha nanimpalad sa kauluhan.
