CAGAYAN DE ORO CITY, Philippines– Gi-atake sa 5.4 milyon kahigayon sa mga cyber hackers ang managlahing government website sa tuig 2024.
Namahayag ang Department of Information and Communications Technology (DICT) nga mukabat sa 32 ka mga ahensya sa gobyerno nga konektado sa mga operasyon sa national security ang gisulayag atake sa mga hackers.
Miingon si DICT Undersecretary for Cybersecurity Jeffrey Ian Dy nga nalihok nila ang 2,500 ka kaso, diin 60 niini giila nga mga advanced persistent threats (APTs).
Kini nagpasabot nga taas ang hulga sa pag-guba sa sistema sa governent website gamit ang sophisticated state-level hacking attempts.
Base sa imbestigasyon, kasagaran sa mga APT group gikalambigtan sa mga Chinese Hackers, samtang ang ubang gagmay nga grupo nasapon nga taga Russia, North Korea, ug ang pipila nakabase sa Eastern European countries.
Usa sa gitutukan sa DICT ang pagdepensa himoong trasmital sa election result padulong sa national canvassing office ug gipaniguro nga dili kini ma-hack sa mga cyber syndicates.
