Gilaraw ni Coco Naik, chairperson sa Filipino Migrant Workers sa PDP Laban, nga dili na lang basta silent martial law ang nasinati sa nasod karon kondili tinuod na gayod nga martial law tungod kay klaro na kaayo ang pagpatuman niini sa kasamtangan.
Una niini, gikuwestiyon niya ang legalidad sa pag-operate sa NBI sulod sa Senado aron unta dakpon si Senator Bato Dela Rosa, nga alang kaniya, ang PNP lamang ang angayang adunay koordinasyon sa maong mga lihok.
Dugang pa niini, gipunto ni Naik nga lahi ang kaso sa KOJC kaniadto tungod kay usa kini ka pribadong religious group, samtang ang sitwasyon karon naglambigit na sa usa ka institusyon sa gobyerno ug usa ka opisyal nga pinili sa katawhan.
Busa, nagtuo siya nga dunay seryosong sayop sa pamaagi sa mga otoridad tungod kay kinahanglan untang adunay pagtahod sa equal power taliwala sa mga ahensya sa balaod.
Sanglit nagtuo si Naik nga ang mga lihok sa otoridad nagpakita na sa pag-abuso sa gahom batok sa mga piniling opisyal, gipahayag niya nga angay na gayod nga kwestiyonon ang maong mga aksyon.
