Makadaginot sa dakung salapi ang Pilipinas kung e-abolish ang mga posisyon sama sa Kapitan ug Barangay Kagawad nga naghupot sa dagkung suhulan apan dili epektibo sa ilang tahas. Sugyot kini ni Wilson Amad, political analyts, ning syudad. Sa pakighinabi sa BOMBO RADYO, namugos si Amad nga ang kahimtang sa nasud nagsagubang sa suliran sa pagpasweldo sa trabahante sa gobyerno ug kapin libo ka mga opisyal sa barangay ang gadawat sa suhulan. Nagtoo si Amad nga may kapasidad ang mayor ug mga konsehal sa syudad nga maoy magsilbing overseer sa barangay. Kini nga reporma ni Amad maoy unod sa iyang gihingusgan nga People’s Constitutional Reform Initiative, niadtong Disyembre 2025.
