Nabulsa sa Pinay Athlete Kram Airam Carpio, ang medalyang bulawan, human mag-top spot sa Pencak Silat Girls’ 51-55kg division sa 3rd Asian Youth Games.
Gipahigayon ang tournament sa Manama, Bahrain, ug iyang napildiha si Qiken Dwi Tata Olifia sa Indonesia.
Mahinumduman nga natawo ang Pencak Silat sports sa Indonesia.
Sa finals, nakab-ot ni Carpio ang 33-19 nga puntos, nga nagpakita sa iyang pagduminar sa dula.
Sa iyang dalan paingon sa kampeonato, gipildi niya si Nazaninfatemeh Kolasangiani sa Iran (36-22), Sakshi Thakur sa India (83-17), ug si Aliyam Azizova sa Kazakhstan (46-27) sa semifinal.
Gipasigarbo sa Philippine Olympic Committee ang kadaugan ni Carpio ug nakita ang potensyal sa Pilipinas nga mahimong usa sa mga bituon sa Pencak Silat sa Asia.
