CAGAYAN DE ORO CITY, Philippines – Mi-export sa kapin 32,000 metriko tonelada sa high-strength reinforcing steel ang SteelAsia Manufacturing Corporation sa nasud sa Canada.
Nunot kini sa mugnaon nga North American Subway, usa ka proyekto nga tukuron sa Vancouver.
Namahayag ang tagdumala sa labing dakung steel producer sa nasud nga mubalor sa P1.1-Billion pesos (19-M US Dollars) ang kantidad sa mga asero nga napadala sa langyaw nga nasud.
Hisayran nga ang exported steel products nagsumikad sa pasilidad sa SteelAsia sa Davao.
Kung sumadahon, misaka pa sa 87,000 metriko tonelada sa asero ang napalit sa gobyerno sa Canada sa Pilipinas nga mukantidad sa P3.2-B.
Miingon si SteelAsia chair and chief executive officer Benjamin Yao nga ang pagbalik-balik sa pag-order kanila sa mga asero nagpamatuod nga lig-on, kasaligan ug world class ang kalidad sa mga produkto sa Pilipinas.
