CAGAYAN DE ORO CITY – Gitubag sa GLOBE Telecom ang pasangil ni Presidente Rodrigo Duterte nga tipik kini sa telecommunications company kon telcos nga may yaya nga serbisyo sa katawhan sa Pilipinas.
Base sa gilugwa nga press release, miingon si Yoly Crisanto, Senior Vice President, Corporate Communications sa maong kompanya nga migasto na ang GLOBE sa kinatibuk-ang 1.2 billion US dollars alang sa upgrading sa ilang network, ning tuiga.
Lakip sa gi-improbar nga mga serbisyo nga gihatag gi-ilang telecommunication giant ang 4G/LTE ug ang 5G alang sa Globe At Home internet sevice provider.
Gipamugos ni Crisanto nga wala maulahi ang Pilipinas kung hisgutan ang paghatag sa internet connectivity sa katawhan tungod kay base sa sruvey sa independent mobile analytics nga nailang “Open Signal”, ang Pilipinas anaa sa ika-upat nga spot sa paghatag sa most improved internet services.
Gimentinar ni Crisanto nga wala sa ilang kompanya ang suliran kung nganong dili maka-abot sa mga lagyong lugar ang paghatag niya sa serbisyo tungod kay pabiling anaa sa LGU’s, nation alagencies nga gilangkoban sa Department of Health ug ang CAAP nga mibabag kanila sa pagtukod sa daghang mga cell sites.
Hinoon, suportado sa Globe Telecom ang panawagan sa presidente nga muserbisyo sa taas kalidad nga aron ma
kab-ot sa katawhang Pilipino ang paspas nga internet experience.
