Misaka pa sa 10 ang medalyang bulawan sa Pilipinas alang sa nagpadayong 33rd Southeast Asian Games sa Thailand.
Ulahing mibulsa sa kampeonato si Hokett Delos Santos sa Men’s Decathlon.
Iyang nasakmit ang 6,917 points.
Segunda lamang kaniya ang representante sa Host Country nga si Singkhon Suttisak (6,649) ug ikatolo si Indonesia’s Richsan Idan Fauzan (6,582).
Ning adlawa, misakmit usab sa dugang medalyang bulawan si John Cabang Tolentino alang sa Men’s 110m Hurdles kundiin iyang nakuha ang 13.66 time record sa Athletics competition.
Second placer ang pambato sa Singapore nga si Chen Xiang Ang, ug third placer si Mohammad Armin Zahril Abdul Latif sa Malaysia
Ikaduhang medalyang bulawan ang naposte ni Kayla Sanchez human niya gidominar ang Women’s 100m Freestyle.
Mahinumduman nga sa unang adlaw sa kompetisyon, nadag-an usab sa grupo ni Sanchez ang bulawang medalya sa Women’s 4x100m Freestyle Relay sa swimming.
Gawas niini, nakuha usab niya ang duha ka silver medals alang sa 200m Freestyle ug 50m Backstroke, kagahapon.
Ang pinay athlete maoy usa sa gikonsiderar nga most decorated nga mananaug sa SEA Games tungod sa pagbaton sa 4 ka medalya.
Sa susamang adlaw, si John Ivan Cruz ang usa sa nagtop sa tanan atleta nga misalmot sa Men’s Gymnastics Vault.
Silang duruha ni Muhammad Aimy sa Malaysia pulos nakakuha sa top spot award.
Sa pikas bahin, emosyonal Tachiana Mangin, human niya mabulsa ang medalyang bulawan sa gilusad nga Women’s -49kg Kyorugi.
Kini pa ang iyang labing unang SEA Games apperance sa edad 18 anyos
Siya usab ang labing unang FILIPINA nga nakadaug sa gold medal sa World Junior Taekwondo Championships, sa miaging tuig.
Pinaka-highlight sa mga kadaugan sa Pilipinas ning adlawa mao ang pagdominar sa Philippine Men’s Baseball Team, human ilang napukan ang hosts Thailand, sa final score 5-3.
Kini na ang ilang ika-upat nga kampeonato, gikan sa lima ka higayon nga pagsalmot sa kasaysayan sa SEA Games.
Kini gilangkoban sa mga katuigang 2005, 2011, ug 2019 editions sa tournament, ug sa 2007 milanding sa second place ang Pilipinas.
