Gipahimangno ni Wilson Amad, convenor sa Peoples Constitutional Reform Initiative, nga bisan 40 ka tuig na sukad sa EDSA People Power Revolution, nagpabilin gihapon ang kalisud sa Pilipinas.
Matod pa niya, kini tungod sa padayong paghari sa mga dinastiyang pamilya, kapakyasan sa mga opisyal sa pagbarog batok sa mga kahiwian, ug kakulang sa hustong edukasyon sa kabatan-onan bahin sa tinuod nga espiritu sa EDSA.
Gisugyot ni Amad nga kinahanglan ipukan ang mga dinastiya aron makahatag og higayon sa mga bag-ong lider nga tinuod nga makapahimulos sa katawhan.
Iya usab gipunting ang kahinungdanon sa padayong pagbarog batok sa daotang kalihokan sa katilingban ug sa pag-edukar sa kabatan-onan sa tinood nga diwa sa EDSA ug sa lawom nga kasaysayan sa Pilipinas.dugang pa niya Dili lang kini bahin sa paghinumdom sa nangagi, kundili sa pagpaningkamot aron masiguro nga ang umaabot mas malinawon ug mas hapsay para sa tanan.
Kini nga pahimangno nag-awhag sa tanang Pilipino sa aktibong pag-apil sa reporma ug sa pagpalambo sa liderato nga nagserbisyo sa katawhan ug dili sa interes sa pipila ka pamilya. (James Oliver)
