CAGAYAN DE ORO CITY, Philippines – (update) Suportado sa managlahing nasud ang kampanya sa gobyerno sa Pilipinas batok sa naka-grabe nga tension sa West Philippines. Sa gilusad nga tolo ka adlaw nga peace dialogue sa Manila, gipamugos ni U.S. Ambassador MaryKay Carlson nga kinahanglan tahuron sa tanan kanasuran ang naistablishar nga International Law tungod kay gitumong kini sa rehiyonal nga kalinaw ug kalambuan, particular sa mga nasud nga nalambigit sa tensyon sa South China Sea.
Gipamugos sa ambassador nga gawas sa Pilipinas, target usab sa China ang pag-atake sa soberiniya sa Taiwan, Vietnam, Indonesia, ug uban pang nasud sa ASEAN.
Subli, gipalanog ni Carlson ang pagsuporta sa 2016 Arbitral Tribunal ruling. Una niini, nagpagawas sa bag-ong mapa ang China, ning tuiga. Ubos sa ilang 10 dash line map, halos gi-angkon na sa China ang baybayon sa Palawan sa Pilipinas.
Dugtong niini, gipalanog ni Australian Ambassador Hae Kyong Yu ug Canadian Ambassador David Hartman ang kaandam sa ilang gobyerno nga muhatag suporta sa Pilipinas, oras nga masubli ang pisikal nga tensyon nga kanunay inisyatiba sa Chinese Coast Guard.
Namugos usab sni Ambassador Yu nga pakigdayalogo pa gihapon ang pinaka-importante nga pamaagi aron masulbad ang pagmagahi sa Peoples Republic of China, sa ilang gipamugos nga balaod sa 10-dash line.
