Dako’g risgo sa nasud nga usa ka developing country sama sa Pilipinas ang carbon emissions ug global warming.
Sumala ni Erwin Quiñones, Deputy Executive Director sa Samdhana Institute, padayon nga nagpakita’g epekto ang climate change pinaagi sa kalit ug kusog nga ulan, grabeng pagbaha, ug pagbag-o sa pattern sa panahon nga mas nakaapekto sa mga komunidad.
Dugang pa niya, ang pag-init sa kalibutan wala magpili og nasud o kahimtang sa kinabuhi busa tanan maapektuhan kung magpadayon ang pagtaas sa temperatura sa kalibutan.
Gipasabot usab ni Quiñones nga ang Pilipinas usa sa labing vulnerable sa bagyo ug uban pang kalamidad, hinungdan nga kinahanglan nga ang gobyerno mangunay ug manguna sa mga lakang pinaagi sa lig-on nga polisiya ug igong pondo para sa environmental protection ug flood control ug dili pangkawaton ang pondo alang sa mga infrastructure projects nga makatabang sa tawo sa panahon sa bagyo.
Busa, gi-awhag karon ni Quiñones ang gobyerno ug publiko nga magtinabangay aron mapalig-on ang kampanya batok sa climate change. (by James Oliver)
