Walay nakitang isyu ang Pilipinas sa relasyon niini sa Amerika kalabot sa kasamtangang sitwasyon sa pag-import sa lana, partikular sa hangyo nga safe passage sa Strait of Hormuz.
Matod ni Palace Press Officer Undersecretary Atty. Claire Castro, base sa pahayag ni DFA Secretary Tess Lazaro, nasabtan sa US ang lakang sa nasud nga gitandi sa pag-import sa lana gikan sa Russia.
Sumala usab ni Castro nga nag-hangyo na ang Pilipinas nga tugotan ang Philippine-flagged bulk carriers nga adunay sakay nga mga Pilipinong seafarers nga makalabay sa maong ruta niadtong Biyernes. Sa pagkakaron, ginasuta pa ang tubag sa Tehran ug sa mga maritime authorities. (Phillip Ariata)
