CAGAYAN DE ORO CITY – Nahatod na sa katapusang pahulayan ang usa sa duha ka piloto nga kabahin sa namatay sa nahagsa nga FA-50 figher jet sa bukid sa Kalatungan,Brgy Mirayon,Talakag,Bukidnon.
Kini human ang halos usa ka semana nga paghaya sa patay’ng lawas ni late 1Lt April John Dadulla sukad nahaw-as sa crash site niadtong Marso 5 sa buntag.
Gibutyag ni Philippine Air Force Tactical Operations Wing Eastern Mindanao commander Col. Ryan Reynie Sonza,mismo ang ilang senior officials gikan sa kauluhan ang mihatod sa kapatusang pahulayan ni Dadulla sa pribadong menteryo sa Manolo Fortich,Bukidnon kaganihang buntag.
Siya miingon nga wala na kini mikuyog sa lubong sanglit anaa ang ilang PAF senior officials aron duyugan sa katapusang higayon ang pamilya ni Dadulla.
Anaa usab ang pangasaw-unon ni AJ nga si 1Lt Alyssa Coleen Columbino nga nakigduyog sa kasub-anan sa pamilya niini sa maong kalihukan.
Si Dadulla ug Columbino ang kaslon na unta niadtong Marso 15 apan kalit midangat ang trahedya diin nahagsa ang FA-50 jet nga mihatag sa aerial support sa tropa sa 4ID,Philippine Army nga nakig-engkuwentro sa 70 ka CPP-NPA combantants sa Cabanglasan,Bukidnon kadlawon sa petsa 4.
Sa pagkutlo ning balita, kamulo pa nga gihan-ay sa PAF 5th wing investigators ang mga nakuha nila nga impormasyon aron motubag sa mga pangutana kung unsay rason sa pagkahagsa sa eroplano nga gikamatay ni Dadulla kuyog sa iyang co-pilot nga si Major Jude Salang-oy.
Hisayrang tungod sa hitabo, administrative grounded una ang 11 ka FA-50 jets samtang gihulat pa ang resulta sa imbestigasyon.
