CAGAYAN DE ORO CITY – Dakong supak ang amahan sa Local Government Code of the Philippines nga si kanhi Senate Pres Aquilino ‘Nene’ Pimentel Jr sa sugyot ni Pres Rodrigo Duterte nga ibalik ang silot-kamatayon sa nasud.
Kini human namugos si Duterte nga makatabang ang death penalty nga maubsan ang paghimo’g mga kremin sa katawhan sa nasud.
Miingon si Pimentel nga bililhon ang kinabuhi sa matag-tawo rason nga mas gusto niini nga silotan sa pagkabilanggo tibuok kinabuhi kadtong mga akusado nga konbiktado sa ilang mga kaso nga nahimo.
Una niini,bisan sila si City Mayor Oscar Moreno ug Cagayan de Oro 2nd District Cong Rufus Rodriguez ang dakong supak usab nga ibalik pa ang silot-kamatayon dinhi sa nasud.
