CAGAYAN DE ORO CITY-Gitawag ni PDP-Laban faction president Sen Koko Pimentel nga walay pulos ang nagmugna nga grupo ni Atty Rogelio Garcia nga unang nagpalagpot kaniya sa ilang partido.
Kini human mihimo’g annual assembly ang grupo ni Garcia hinungdan gipili siya isip bag-ong presidente hulip kang Pimentel sa partido.
Miingon si Pimentel nga hugpong ang PDP-Laban ug wala ilha ang annual assembly nga gihimo ni Garcia sa kauluhan sa miaging semana.
Samtang gitawag nga inotil ni Garcia si Pimentel nga pabiling lehitimo nga presidente sa ilang partido kon isubay sa rehistro sa Commission on Elections.
Kini human unang gitawag ni Pimentel ang grupo ni Garcia nga walay pulos diin sila naghimo’g annual assembly ug nagpili sa bag-ong mga opisyal sa partido.
Miingon si Garcia nga ang paghimo nila sa annual assembly ang gipangayuan nila’g pagtugot sa PDP-Laban founder kanhi Senate President Aquilino ‘Nene’ Pimentel Jr.
