CAGAYAN DE ORO CITY, Philippines – Gipanguluhan ni Presidente Ferdinand R. Marcos Jr. ang groundbreaking ceremony sa Meralco Terra (MTerra) Solar Project sa Barangay Callos, Peñaranda, Nueva Ecija.
Gipasigarbo ni Marcos ang maong plante tungod kay kini pa ang unang solar project sa tibook kalibutan nga dunay lapad nga 3500 ektaryang luna ug ginamitan sa baterya.
Namugos si Marcos nga wala pay nasud nga nakamugna sa maong klase sa teknolohiya ug nag-una niini ang Pilipinas.
Gikonsiderar sa administrasyon ang proyekto isip world’s largest solar plant ug battery storage facility sa tibook kalibutan.
Kung makompleto ang proyekto may kapas kining muhatag sa limpyo nga enerhiya sa kapin 2.4 million kapanimalay ug adunay tsansa nga makapangemplyo sa 10,000 ka pinoy.
Gilauman ni Marcos nga pinaagi sa clean energy, makunhuran ang epekto sa carbon sa hangin sa nasud sa 4.5 million tonelada matag tuig.
