Ipahigayon sa buhatan ni Mayor Klarex Uy ang usa ka pinasahi nga People’s Day karong Miyerkules sa City Hall Quadrangle alang sa mga katilingbang Lumad ug Indigenous Peoples sa dakbayan.
Gipadayag ni City Information Officer Jade Adeser nga personal nga atubangon, paminawon, ug hatagan og solusyon sa Mayor ang mga panginahanglan sa mga residente gikan sa mga hinterland barangay.
Giklaro sa opisyal nga gitumong ang espesyal nga adlaw alang sa espesipikong mga sektor sama sa mga Lumad, mangingisda, ug mag-uuma.
Tungod sa gipahimutang nga programa sa dakbayan, gihimong makaduha matag semana ang serbisyo gikan sa alas syete sa buntag hangtod alas uno sa hapon.
