CAGAYAN DE ORO CITY -Ibalhog na sa Lumbia City Jail ang usa sa duha ka kakunsabo ug live-in partner sa Australianong pedopilya nga si Peter Scully.
Kini human nasikop sa kapolisan ang suspek nga si Maria Dorothea Chia,30 anyos nga nagtagu-tago diha sa Brgy 18 ning syudad.
Miingon si Divisoria Police Station commander Sr Insp Maricris Mulat nga maong suspek ang nag-atubang usab sa upat ka warrants of arrest alang sa two counts of qualified trafficking in persons ug 2 counts sa child pornography nga gi-isyu sa managlahing korte ning lalawigan.
Dumduman nga niadtong bulan sa Enero, nadakpan sa Cebu ang usa pa ka live-in partner ni Peter Scully nga si Liezyl Margallo kinsa pulos nalambigit sa pag-video sa mga batang gipanglugos.
Sa kasamtangan si Scully nagbaton sa 75 ka ihap sa kaso ug 69 niini ang nasang-at na sa DOJ.
