Nag-ginaksanay ang inahan, ug amahan kuyog ni Pinay Tennis Sensation Alexandra “Alex” Eala human niya madag-an ang semi-final round sa nagpadayong Eastbourne Open.
Sa press interview, emosyonal ang pinay nga atleta tungod kay alang kaniya, miagi siya sa tumang kalisud sa pagpukan kang French Tennis Star Varvara Gracheva.
Naselyuhan ang ilang dula sa final score 7-5, 2-6, 6-3. Makasaysayon kini alang sa Pilipinas ug kang Eala kay kini pa ang unang higayon nga nakasulod siya sa World Tennis Association (WTA) Tour finals.
Una niini, mitug-an si Eala sa iyang grabe nga paningkamot, gamit ang iyang pisikal ug mental nga kusog, busa nagpabilin siyang lig-on hangtod sa katapusan.
Sa finals, iyang atubangon ang 19-anyos nga Australian nga si Maya Joint, nga kasamtangang naghupot sa ranggo ika-51 sa kalibutan.
Ang finals ipahigayon karong Sabado, Hunyo 28, 2025 sa Eastbourne, England.
