Mas gipakusog sa Filipina tennis star nga si Alex Eala ang katapusang warm-up ug training sa Higashiyama Park Tennis Center sa Nagoya aron masiguro ang kaandam sa debut sa 2026 Asian Games.
Subay sa taho gikan sa organizers, gipahigayon sa atleta ang nagkadaiyang warm-up, groundstroke drills, ug lihok sa korte alang sa dula sa women’s singles.
Gawas pa niini, nakalibre na sa unang hugna sa kompetisyon ang kampeon hinungdan nga sa ikaduhang round na kini direktang makigtigi.
Tungod niini, pormal nga sugdan karong adlawa sa batan-ong magdudula ang sangka batok sa atleta sa Thailand nga si Patcharin Cheapchandej samtang gipaabot pa ang pormal nga pahibalo sa eksaktong oras gikan sa organizers.
