CAGAYAN DE ORO CITY – Gitunulan sa tabang-pinansyal ni City Mayor Rolando ‘Klarex’ Uy ang pamilya sa Pinay worker nga gipatay ug gilubong sa luyo sa balay sa iyang amo nga langyaw didto sa Kuwait.
Kini human midangop ang kabanay sa biktima nga si Dapnie Nacalaban sa buhatan ni Mayor Klarex aron magpatabang sa ilang panginahanglan.
Miingon si Janboy Actub,tigpamaba ni Uy nga gipaabot sa city govt ang pagduyog sa kasub-anan ngadto sa pamilya sa biktima.
Siya miingon nga gipasalig usab ni Uy nga kini ang maghatag sa sakyanan nga masakyan sa patay’ng lawas ni Dapnie padulong sa lungsod sa Molave,Zamboanga del Sur aron mahatagan sa katapusang pahulayan.
Hisayrang mag-unom ka tuig nang domestic helper si Dapnie sa Kuwait apan nakatunong sa agalon nga salbahis hinungdan sa kamatayon niini.
