CAGAYAN DE ORO CITY – Nagtala na sa pinakaunang Pinoy worker nga nag-positibo sa corona virus disease ang kontinente sa Uropa.
Kini human nag-trending sa social media ang gi-upload sa Pinay worker gikan sa Milan,Italy nga siya natakdan sa maong sakit sa pagbakasyon nila sa iyang amo didto sa Switzerland.
Miingon ang maong Pinay worker nga dili gihapon garantiya nga nakasul-ob sa facemask aron makalikay sa maong bayrus.
Dugtong niini,giawhag sa maong OFW ang publiko nga kanunay batasanon ang paghugas sa kamot,manghilam-os ug mogamit sa anti-virus liquids aron dili mahisama kaniya nga paspas natakbuyan sa maong sakit.
Kasamtangang naka-confine ang biktima sa usa sa mga ospital nga nakasbase sa Switzerland.
