CAGAYA DE ORO CITY- Patay nang nahidangat sa J.R Borja City Memorial Hospital ang piniriso nga naghikog sulod sa comfort room sa Lumbia City Jail ning syudad.
Giila ang biktima nga si Dan Ariel Undtuhan,26 anyos,minyo nga taga-Brgy Macabalan sa syudad.
Miingon si Remeo Undtuhan nga naglisod pagdawat ang biktima sa iyang sitwasyon hinungdan nakahatag kini’g kaguol kaniya.
Apan wala nila damha nga makahukom paghikog ang biktima pinaagi sa paghikot sa pisi sa iyang li-og hinungdan sa kamatayon niini.
Makaduha nang napriso ang biktima sa city jail tungod sa kasong pagpayuhot sa ilegal nga droga ning syudad.
