CAGAYAN DE ORO CITY – Gibarugan sa mga personahe sa Bureau of Jail Management and Penology o BJMP nga walay foul play ang kamatayon sa usa ka piniriso o Person Deprived with Liberty nga detinado sa ilang pasilidad sa Brgy Patpat,Malaybalay City,Bukidnon.
Kini human unang nadiskobrehan sa BJMP personnel nga nagkutlo’g kinabuhi ang 31 anyos nga binilanggo sulod sa pansayan sa selda diin siya detinado.
Gisaysay sa mga otoridad nga kanhi na kini nagsagubang sa hagit sa pangutok ug may okasyon usab nga nagsulay kaniadto pagbugto sa kinabuhi.
Hisayrang nadiskobrehan nga wala na’y kinabuhi ang biktima sulod sa pansayan mismo sa kasaulugan sa pagsugat sa bag-ong tuig.
