CAGAYAN DE ORO CITY – Walay nakitang foul play ang mga otoridad sa paghikog-patay sa usa ka piniriso sulod sa selda sa CIDG-10 diha sa Brgy. Patag ning syudad kaganinang buntag.
Naila ang namatay nga si John Teves, 24 anyos, ulitawo nga taga Balete, Bugo ning dakbayan. Nakaplagan na lamang nga nagbitay ang biktima sulod sa selda ug wa’ nay kinabuhi.
Naghikog kini pinaagi sa paghikot sa habol sa iyang li-og.
Gibutyag ni CIDG-10 deputy director Police Lt. Col. Eugene Balogo nga posibleng na-depress ang biktima tungod sa kasong iyang gi-atubang.
Si Teves ang gidakop niadtong Enero 20 pinasikad sa warrant of arrest nga gi-isyo sa korte gumikan sa kasong pagsupak sa RA-7610 o Law against child abuse.
