CAGAYAN DE ORO CITY – Pakyas ang Pinoy boxer nga si Giemel Magramo nga masakmit ang bakanteng bakus sa WBO flyweight title.
Kini human ipalukapa ni undefeated Japanese boxing champion Junto Nakatani si Magramo via 8th round knockout sa ilang away sa Korakuen Hall,Tokyo,Japan kagabii.
Gidominar ni Nakatani ang tanang round sa away tungod sa iyang pagbaton sa taas nga height rason nga nakakita kini’g higayon nga i-knockout ang Pinoy boxer.
Gitinguha pa ni Magramo nga motindog apan gihunong na kini sa referee tungod ka wala na’y kusog gumikan sa mga nadawat nga kinumo gikan sa Japanese boxer.
Si Nakatani nga 22 anyos pa ang nagbaton na sa 21 ka daug diin 15 ang via TKOs samtang si Magramo ang dunay 24 ka daug,duha na ang pildi ug 20 ang knockouts.
