CAGAYAN DE ORO CITY-Gikalipay ni Atty Jude Sabio ang gihimong pag-angkon ni Pres Rodrigo Duterte sa publiko nga extrajudicial killings lamang ang iyang sala sa nasud.
Si Atty Sabio miingon nga dako kini’g ikatabang aron mas mobug-at pa ang iyang kaso nga giduso sa International Criminal Court batok kang Duterte.
Dugang ni Sabio nga madugangan na usab ang mga admission ni Pres Duterte nga iyang gipang-record.
Nagtoo si Sabio nga nakonsensya na ang presidente sa mga krimen nga iyang gikalambigitan busa kini miangkon.
Matud ni Sabio nga dugay na nga panahon nga gihimo ni Pres Duterte ang kasong pagpatay sa dihang mayor pa siya sa Davao.
Apan nagduda si Citizens Watch for Good Governance o CWGG convenor Atty Antonio Soriano nga makadugang sa gimbug-aton sa gipasakang kaso batok kang Duterte sa ICC ang pag-angkon niini.
Sumala ni Soriano nga wala giangkon ni Pres Duterte nga siya ang nagsugo pagpatay sa mga biktima.
Apan bisan nini, gisalig na lamang ni Soriano sa ICC ang hukom.
Apan nagtoo si Soriano nga diversionary tactics lamang sa problema sa inflation ang rebelasyon niini may kalabutan sa extrajudicial killings.
Matud ni Soriano nga mas maayo nga hatagan sa pagtagad ang problema sa nasud imbis mangita’g laing paagi aron mabalhin ang atensiyon sa publiko.
