Magpakunhod sa mga programa karong tuig ang Bureau of Fire Protection aron ipunting ang mas dako nga pokus sa ilang operational readiness samtang padayon ang pagsaka sa presyo sa lana.
Sumala ni CAPT. John Rey Donasco, Station Commander sa BFP, gi-adjust sa ilang liderato ang pipila ka wala pa ma-implementar nga mga kalihokan ug gi-realign kini aron mas mapalig-on ang serbisyo sa aktuwal nga operasyon.
Dugang pa niya, ang maong lakang kabahin sa contingency plan sa ahensya aron masiguro nga adunay igong pondo ug kahinguhaan sa panahon sa posibleng krisis sa gasto sa operasyon.
Gipasiugda usab ni Donasco nga pinaagi niini, mas mahatagan og prayoridad ang aktuwal nga pagresponde sa sunog ug uban pang emerhensya kaysa sa mga programa nga dili dayon kinahanglan.
Busa, padayon ang BFP sa pagpalig-on sa ilang kapasidad sa operasyon aron mas maprotektahan ang publiko. (By James Oliver)
