CAGAYAN DE ORO CITY – Giporma sa Cagayan de Oro Press Club o COPC ang media safety bureau aron matutukan ang sunod-sunod nga media harassments nga natigayon ning syudad.
Kini human angkona sa board of directors sa maong hugpong nga dismayado sila sa liderato ni COPC Pres.Frank Mendez kabahin sa giingong dili balanse nga pagtratar sa nanglabay’ng hitabo.
Maoy gitumbok ni COPC board of director Froilan Gallardo ang giingong ka walay aksyon nga kondinaron ang pagka-kulatahi sa ilang mga kauban nga si Ric Ociones ug Fred Soriano nga igo lang naghimo sa ilang trabaho sa lungsod sa Tagoloan ning lalawigan.
Dili usab sila supak nga gikondenar ni Mendez ang linu-og nga pagpatay sa radio blocktimer nga si Federico ‘Ding’ Gempesaw apan ma-klaro nga napasagdan ang mismong mga miembro sa COPC.
Hisayrang ang COPC nga tinukod ni late city mayor ug kanhi senador Atty Aquilino ‘Nene’ Pimentel Jr diin matag-buwan sa Mayo ang pagpahigayon sa media week celebration.
