CAGAYAN DE ORO CITY-Gi-kuwestiyon karon sa pipila ka kapitanes ang tinguha sa DILG nga mopatuman sa pagpangbutag sa stickers ngadto sa mga pinuy-anan nga drug-free ang mga nagpuyo niini.
Gibutyag ni Puntod Brgy Kap Binky Beja nga angay ayuhon kini sa pagpasabot sa DILG aron dili muani sa pagsaway ilabina nga daghan pang mga mas prioridad nga mga suliran nga angay unta hataga’g dinalian pagtagad.
Si Beja miingon nga hinoon wala pa kini mahisguti sa daghang kapitanes sa syudad.
Samtang ipatuman sa PNP-10 ang stickers policy sa DILG nga ipahiluna ngadto sa kabalayan nga giingong dili tiggamitan sa droga ang mga nagpuyo niini.
Apan gibutyag ni PNP regional spokesperson Supt Lemuel Gonda nga gihulat pa nila ang gabayan sa pagpatuman niini.
Giangkon nga Gonda nga moani kini’g nagkadaiyang reaksyon hinungdan nga maampingon nila nga ipatuman ang maong DILG order kon ugaling mahinayon.
