Nangayo og tabang sa League of Cities of the Philippines ang pipila ka mga component cities sa Mindanao aron opisyal nga mahimong highly urbanized cities sa nasud.
Gipadayag ni Cagayan de Oro City Information Office Information Officer Jade Adeser nga nagpatabang ang mga dakbayan sama sa Valencia ug Pagadian aron ma-qualify ug mapasaka sa nasyonal nga panggamhanan ang ilang tinguha.
Pinaagi niini, gilauman nga mas mapalambo ang paghatag og direktang serbisyo, badyet, ug pagdumala sa maong mga dapit nga dili na mag-agad sa panggamhanan sa lalawigan.
Apan, gitin-aw nga nagkinahanglan kini og dugang suporta aron makab-ot ang mga gikinahanglang rekisitos sa dili pa hingpit nga mahimong independenteng siyudad.
