Nakatilaw sa lecture gikan sa kanhi propesor sa Ateneo de Manila,kanhi presidente ug karon Pampanga 2nd District Representative Gloria Macapagal Arroyo si Manila 3rd Representative Joel Chua, kinsa chairman sa plenary deliberation sa 2025 budget nga gi-alokar sa Office of the Vice President.
Kini human mihimo’g imbestigasyon ang House Committee on Good Government and Public Accountability kabahin sa paggasto sa OVP funds sa tuig 2023.
Unang midepensa si Bise Presidente Sara Duterte nga witnesses lang ang angayan manumpa o “under oath” kung hisgutan ang paghan-ay sa mga pondo ug dili ang resource person.
Tungod sa ka-ignorante sa balaod ni Chua, gilayong mitingog si Arroyo aron pasabton ang walay hanaw nga magbabalaod sa paghawid sa hearing sa plenaryo sa kamarabaha.
Tungod sa pagpag-lekture kaniya ni Arroyo, napugos si Chua sa pagpatuman sa taas nga minuto nga session break, ayha niya gitahud ang hukom sa bise presidente nga dili manumpa, kay dili man kini testigo sa budget hearing sa OVP.
Si Chua, ilado sa iyang mga social media post ug media interviews nga gustong ipatangtang sa pagka bise presidente si Duterte kay daw kawatan.
Apan atol sa ilang pagface-off kagahapon, otomatik kining napukan sa bise presidente sa sinugdanan pa lang sa hearing tungod kay napamatud-an ang iyang pagka-walay hanaw sa house procedures sa budget hearing.(Bombo Anne Quileste).
