CAGAYAN DE ORO CITY – Dili na ipadala’g dugang ang nabilin pa nga pipila ka container sa mga basura nga unang gipalusot sa Verde Soko Philippines gikan South Korea diha sa lungsod sa Tagoloan,Misamis Oriental.
Kini human nakabiyahe na ang barko sa Mersk nga unang mikarga sa 70 ka container vans diha sa Mindanao Container Terminal sa miaging semana.
Miingon si MCT collector John Simon nga gamiton na lamang nila nga ebedensiya ang pipila ka containers batok sa mga Koryano nga ilang gikasuhan sa korte ning syudad.
Kontrobersyal ang maong mga basura kay giimbestigaran kini sa duha ka investigating govt agency ayha naduso ang kasong kriminal batok sa mga nagpalusot niini.
