CAGAYAN DE ORO CITY – Gipa-aktibo karo’g balik ni Provincial Gov. Peter Unabia ang task force kalikasan aron sumpu-on ang lapad nga illegal hydraulic mining operations sa daghang brgy officials sa hinterland brgys sa Cagayan de Oro ug lungsod sa Opol,Misamis Oriental.
Kini human ibulgar ni Opol Mayor Jay Bago nga pipila sa iyang municipal ug brgy officials ang utok sa lapad nga mining activities nga walay pagtugot sa gobierno.
Kini ang rason nga gitigom sa gobernador ang environmental officials gikan sa syudad ug lalawigan aron tapuson ang ilegal mining operations sa tri-boundaries niini.
Una usab niini,gikompirmar ni CLENRO officer Engr Armen Cuenca nga gitahasan siya ni Unabia nga moporma’g draft sa technical working group sa anti-illegal mining operations arom magamit sa umaabot nga mga operasyon kontra illegal miners.
