CAGAYAN DE ORO CITY -Sukwahi sa pag-larawan ni kanhi City Mayor Oscar Moreno nga gihinadlok ni incumbent City Mayor Rolando ‘Klarex’ Uy ang job order ug casual workers, dako daw kini nga bakak.
Kini tungod kay taas ang iyang pasensiya alang sa maong mga trabahante aron makahatag sa maayong performance nga gisangon kanila sa city hall department managers.
Kini ang katin-awan sa mayor dungan sa pag-ingon nga daghan sa job orders ang dili na ma-renew sa ilang trabaho tungod sa pagbinulakbol daw niini.
Apan giklaro ni Uy nga kon adunay angay basulon dili siya ug hinoon mismo ang mga trabahante nga wala ma-renew kay sila ang mas nasayod sa ilang mga binuhatan.
