CAGAYAN DE ORO CITY-Gireklamo sa usa ka market vendor ang giingong modus-operandi sa pipila ka collector sa sukay sa Cogon Market ning syudad.
Matud ni Celso Bag-ao nga tungod sa gihimong pagpangurakot sa pipila ka casual nga collector sa maong merkado, hinay ang paglambo niini taliwala sa subsidy nga gihatag sa lokal nga kagamhanan.
Siya miingon nga kanunay sila nga gapangayoan sa tag-P5.00 nga sukay matag adlaw.
Samtang giawhag ni City Councilor Ian Mark Nacaya kinsa overseer sa Cogon Market nga isumbong sa iyang buhatan ang bisan kinsa nga gapangayo’g sukay sa mga market vendors.
Si Nacaya miingon nga ilang gipahunong ang pagpangayo’g sukay tungod sa gipahigayon nga clearing operations sa maong merkado.
Gani, gidugang pa niini nga hangtud karon wala pa sila makahukom kung tagpila nga sukay o collections ang ilang gapangayoon sa mga market vendors.
