CAGAYAN DE ORO CITY – Giakusahan ang pipila ka empleyado sa kapitolyo nga nangayo’g bahin sa multi-million transaction sa COVID-19 rapid anti-body test kits alang sa Misamis Oriental.
Kini human mipadala’g sulat ang Ruen Gonzaga Marketing and Devt Incorporated kang Gov Bambi Emano aron masayod nga gilangan-langan sa pipila ka capitol employees ang pag-release sa sobra 6 milyon pesos nga tseke kon di makahatag sa 20 porsiento nga S.O.P.
Miingon si Marian Del Mar,credit and collection dept staff sa maong patigayon nga gusto nila ma-imbestigaran ang daw dili maayo nga nahitabo sa gisudlan nila nga transaction.
Dugtong niini,gikompirmar usab mismo tag-iya nga si Ruen Gonzaga nga nakapadala siya’g sobra 200-mil pesos sa iyang working staff dinhi sa syudad kay giingong nangayo ang wala hinganli nga mga empleyado sa kapitolyo.
Samtang wala pa mohatag komento si Emano kabahin sa sulat-reklamo nga gipadangat sa kompanya sa Bombo Radyo.Kini human wala pa mabasa sa gobernador ang sulat kabahin sa reklamo batok sa iyang pipila ka empleyado.
Samtang miingon usab ang tigpamaba sa kapitolyo nga si Carlo Duga-Duga nga dili una siya makahatag sa kompirmasyon hangtod nga mahuptan ang sulat nga gikan sa supplier.
