CAGAYAN DE ORO CITY – Gipaubos sa internal investigation ang pipila ka provincial capitol employees nga giakusahan nangayo’g 20 porsiento nga S.O.P o bahin bugti sa pag-release sa tseke balor 6.6 milyon pesos sa medical supplier.
Kini ang mensahe ni Provincial Gov Bambi Emano nunot sa reklamo sa Ruena Gonzaga Marketing and Devt Incorporated nga gilangan-langan ang ilang tseke sa pag-release.
Mismo si Provincial administrator Atty Joy Mateo Lood ang gitahasan sa gobernador kabahin sa maong pasangil.
Una nang gibutyag sa tag-iya nga si Ruena Gonzaga nga siya ang nag-suplay sa 4-mil ka COVID-19 rapid test kits ug napugos paghatag 210-mil pesos sa iyang re-agent sellers ning syudad kay may mangayo’g SOP diha sa kapitolyo.
