Fiji and Tonga declare crisis due to severe El Niño drought, impacting water supply. Learn how Pacific nations are responding to this disaster.

Gipatingog na ang alarma sa krisis sa mga estado sa Fiji ug Tonga sa South Pacific kalabot sa grabeng hulaw nga nasinati niini tungod sa penomena nga El Niño.

Sumala sa gobyerno sa Fiji, ang padayon nga paghapak sa hulaw sa El Niño sa rehiyon niabot na sa “crisis thresholds,” butang nga nagtukmod sa pagdeklara og nationwide disaster.

Matud ni Fiji Prime Minister Sitiveni Rabuka, grabeng kabalaka sa suplay sa tubig ug ubang kadaot nga madala sa dugay nga hulaw ang giatubang sa mga pamilya sa ilang nasud.

Sumala sa mga lokal nga taho, niubos sa makapabalaka nga lebel ang suplay sa tubig sa nasud diin dosena-dosena nga mga trak ang gipadala sa mga otoridad aron makahatod og suplay sa mga baryo nga gihapak sa hulaw.

Samtang, natala usab sa Tonga ang maong krisis diin gideklara ang 27 ka adlaw nga state of emergency tungod sa kakuwang sa suplay sa tubig nga dala sa lapad nga hulaw.

Matud ni Acting Prime Minister Viliami Latu, makatabang ang pagdeklara niini sa mga emergency services alang sa pagtubag sa mga panginahanglan nga dunay kalabotan sa maong krisis. (raniel mahunyag)